Saichent tous que ceiourdhuy quatriesme du mois doctobre Mil six cens quarante trois apres midy en La parroisse de guissen Et maison Noble de labadie Pardevant Nous Notaires royalz soubz signés Et tesmoings bas Nommés ont esté en Leurs personnes Bertrand Et pierre de hontaigneres pere Et filz dictz de hayet habitans aud. Guissen Lesquelz de leurs franches Et agreables volontés Lung pour Lautre Et un chescun deux seul pour le tout Et Le filz dheuement authorizé par le pere ont recogneu Et Confessé avoir prins et receu presantement devant Moydict Notaire Et tesms de Noble bertrand de lissalde escuier sieur de sauldan Et datissan hant en la parroisse d'urt presant Et acceptant Sçavoir est La somme de Nonante cinq Livres tz et ce pour La valeur dune Journée de Terre et prairie que feu Noble pierre de labadie Escuier sieur dudict Lieu et de garat estoict obligé Leur bailler en proprietté par contract passé entre Luy Et lesd. de hontaigneres pere et filz Le troiziesme septembre Mil six cens trente trois retenu par moyd. de Casenave et par Lequel contract ledict sieur de labadie Leur avoict baillé et permis la Jouissance d'une autre Journéé dans la piece destegrand attendant quil leur baillast La proprietté de lautre en autre endroict a laquelle somme de Nonante Cinq Livres Lesd. parties ont appressié et accordé Lad. Journée de terre Et droict que lesd. de hontaigneres pouvoient avoir sur lad. maison Et biens de labadie ayant Iceux de hontaigneres prins Et retiré des mains dud. sieur de lissalde Icelle somme de nonante Livres en pieces de vingt ung sol de france Et autre bonne monnoye dont se sont Contentés et en ont acquitté Led. sieur de lissalde en faveur duquel se sont desmis et deppartis de la propriette de lad. Journée de terre Et de la pocession de lad. Journé destegrand en ont saisy vestu et mis en pocession Led. sieur de lissalde par Latouchement de la cedde des presans quil luy a mis en main en signe de ce veulent et consentent quil en Jouisse doresavant comme Ilz faisoient auparavant auquel Ilz ont rendu Led. contract dessus datté pour estre subrogé en leur Lieu droict place Et hipotecque comme Ilz le subrogent par ces pns Promettant Luy tenir bon tout ce dessus envers et contretous a peyne de tous despens domages Et Interestz Soubz obligation Et hipotecque de leurs personnes Et biens meubles et Immeubles pns Et advenir quilz ont soubzmis a toutes rigueurs de Justice a quy la cogce en appdra ont renoncé a toutes renonciations Exceptions Et Moyens a ce dessus preJudiciables & ainsy L'ont promis Et Juré tenir Ez presances de ms arnault duclercq pbre Et curé et saubat de labayre bayle dud. Guissen tesms a ce appellés Et signés a la cedde avecq led. sieur de lissalde Et non lesd. de hontaigneres pour Ne sçavoir de ce faire sommés par Nous ainsy signés duclercq et de Casenave Notaires royaux.

Extraicte vidimée & collaonnée a esté la present coppie a sa coppie tiree de son original & signée de Casenave & duclercq nores Royaux par nous aussi nores Royaux soubzsignés sans y avoir rien adiousté Ni diminué se reqt bertrand de labadie Escuier sr dud. lieu & de garat au pouvoir Duquel le tout est demeuré a bayonne le cinquiesme Juin Mil six cens soixante quatre



4e octe 1643 duclerc & casenave notes
Raschapt avec quittance dune journée de terre a estégrand de bertrand et pierre de hontaigneres de Guiche, por 95 lt