Le cinqui. Jour du Mois de mars Mil six cens trente neufz avant midy en La parroisse de guissen Et maison noble de labadie pardevant Moy Nore royal soubzsigné Et tesm. bas Nommés a esté Constitué personnellem. damoiselle Margueritte de Crutchette vefve de feu Noble pierre de labadie escuyer sieur dud. Lieu Et de garat et administreresse de leurs enfans Et biens Laquelle de sa franche Et agreable volonté a recogneu Et confessé debvoir donner bien Et dheuement a sieurs Jean de Salles Et Jeannes de caparroze bourg. et marchandz de la ville de bayonne Led. sieur de salles pnt et acceptant pour les deux Sçavoir est La somme de quatorze Cens Nonante quatre Livres treze solz tz six cens Livres Contenues en obligé conçeues en obligé conçeu par Lad. damoiselle Le troizi. Mars mil six cens vingthuict En faveur dud. sieur de salles seul retenu par de gelous Notaire royal cent septante deux Livres cinq solz par Lesd. de salles et de caparroze payés au sieur dandoingz pour le contenu en une Lettre deschange tiréé par Led. feu sieur de labadie sur Lad. damoiselle sa femme Cinquante deux Livres dinterest payé a feu sieur Compagnet de larre de la somme de six cens Livres emprumpté par Led. sieur de labadie Et le restant pour les Interestz desd. sommes principalles encoureus Jusques au dernier de febvrier dernier passé Compte faict Et arresté a lad. somme renonçeant a toute Erreur de compte et futeure numeration Laquelle d. somme de quatorze Cens Nonante quatre Livres treize solz tz Lad. damoiselle a promis Et par ces presans promet payer ausd. sieurs de Salles Et de caparroze ou a Leur certain mandement pendant le Jour Et feste de Noel prochain venant avecq Linterest desd. sommes principalles au [fo...] de Lordonnance puis Led. Jour dernier de febvrier Jusques a effectuel payement a peyne de tous despens domages et Interestz Et moyenant ce lad. obligation ensemble une promesse signéé dud. feu demeurent pour nulz Et cancellés Excepté pour lhipotecque que Ledict sieur de salles sest reservé les ayant retenus devers Luy le tout sans prejudice a une obligation de la somme de trois Mil trois cens quarante huict Livres CeJourdhuy conçeue par Lad. damoiselle en faveur dud. sieur de salles et sieur Jean de busquet son beaufrere retenue par Moyd. Notaire Laquelle demeure en sa forme et vigueur Et pour ce dessus tenir Lad. damoiselle a obligé Et hipotecqué tous Et chascuns ses biens rentes et revenus Et dud. feu sieur de labadie quelle a soubzmis a toutes rigueurs de Justice a quy La cogce en appdra a renonce a toutes renonciations Exceptions et moyens a ce dessus preJudiciables Et ainsy La promis Et Juré Ez presances de Me arnault du Clercq pbre et curé dud. guissen et saubat de labayre Lieutenant de bayle aud. guissen tesm. a ce appellés et signés a la cedde avecq Les parties Et moy signé de casenave not. royal

Extraicte vidimée et collationné a este la pnte Coppie sur autre Coppie tiriéé son original par nous notaires royaux de la ville et citte de bayonne soubz signés sans y avoir rien adJousté ny diminué ce requerant noble bertrand de labadie escuyer sieur dud. Lieu au pouvoir duquel le tout a demeuré a bayonne le dernier Jour du mois de may mil six cens soixante quatre



5e mars 1639 casenave not.
obligaon de la demelle margte de crutchette vefve de feu noble pierre de labadie de la somme de 1494 lt 13 s en faveur des srs de salles et capparrose