Comme soit ainsy que cy devant venant a la fin de ses Jours noble pierre de labadie escuier s
r dud. lieu et du garat et faisant son testam
t de sa derniere volonte auroit fonde tant pour prier dieu pour son ame que des ses predessessurs deux abitz ou aniversaires pour leur estre dictz et selebrez annuellem
t et a Jamais en leglize s
t Jean dud. guissen par le cure dicelle aux Jours de lasomiption et conception nostre dame et pour cest effaict auroit laisse et legue la somme de trois cens livres tz en et sur quatre Journades de terre et prerie scittué aud
t guissen et lieu appellé estegrand pour le tenir par forme dangagem
t Jusques au Rachapt dicelle et en ce cas de colloquer lad. somme en biens fondz ou a linterrest en main solvable pour de la vanthe ou Interetz dicelle somme luy estre dict et selebre deux obitz ou aniversaires annuellem
t et a Jamais par chacunne annéé du despuis pour la descharge de lad. somme et vente dicelle dam
elle margueritte de crutchette vefve dud. feu de labadie et administraresse de leurs Enfens suivant la volonte dud. feu de labadie son mary se seroit desmise et despartie desd. quatre Journades de terre et prerie scittuéé aud. estegrand ainsy que confrontent des deux boutz et costes a terre de labadie maison de labadie tenus en Engagem
t par des particuliers en faveur de m
e arnaud duclercq pbre et curé dud. lieu de guissen Jean de castaignet et francois de hiriarton fabricours de leglize parossialle dud. guissen ainsy que du tout appert plus a plain par ledit testam
t et contract de dellivrance de lad. terre dattés des dixneufie
e Jenvier mil six cens trente neufz et quatorzie
e de Juin mil six Cens quarante deux retenus par m
e anthoine de Casenave notaire royal par quoy est Il que auJourdhuy septie
e du mois de novembre mil six cens quarante trois avant midy pardevant moy notaire royal soubz
ne et en la pnce des tesmoins bas nommes ont este en leurs personnes les susd. m
e arnaud duclercq pbre et cure susd. Jean de Castaignet et françois de hiriarton fabriqurs de lad. esglize lesquelz apres avoir aprové la susd. narative de leurs franches volontes ont vandu ceddé resigne et transporte et par ces pns vendent cedent resignent et transportent a noble bertrand de lissalde sieur du saudan et datissans hans de la paroisse durt a ces pnt et acceptant scavoir est tout le droit non raison quilz ont en la susd. qualitte et en conseq
ce du susd. testam
t et contract en et sur lesd. quatre Journades de terre et prerie cy dessus limitté et confronté et ce moyennant le prix et somme de desd. trois cens livres tz que led. s
r de lisalde du gré et consentem
t de lad. dam
elle de crutchette leur a compte reaulm
t et deffait en pnce de moy dict notaire et tesmoingz en pistolles dor du coing despaigne pieces de cinquante huict et vingt un sol et monnoye de poys et de cours et des deniers propres et particuliers dud. s
r de lissalde ainsy quil et lad. de crutchette on declaire laquelle dicte somme desd. trois cens livres tz led. s
r duclercq cure et lesd. de castaignet de hiriarton ont prins et receu en les susd. especes Icelle somme desd. trois cens livres ont dict vouloir mettre et colloquer tout promptem
t entre les mains de pierre de betloc et Jeanne de pomiro personnes soublables et responsable de lad. somme sur payne den repondre en leurs prives noms pour de la vanthe ou Interretz de lad. somme estre dictz et selebre lesd. obitz et aniversaires et annuellem
t et a Jamais ensemble Jours quilz ont esté dictz et selebres Jusques a pnt et lad. vante ou Interrest estre distribué par led. s
r cure et autres quy viendront apres luy conforme et suivant la volonte dud. feu porté par led. testam
t de sorte que de lad. somme desd. trois cens livres led. s
r duclercq cure et fabriqurs se sont tenus et tiennent pour biens comptants et en ont acquitte et acquittent led. s
r de lissalde en faveur duquel Ilz se sont desmis desistes et departis desd. quatre Journades de terre et en ont main vestu saisy et mis en possesion led. s
r de lissalde par le bailh et atouchem
t de la nothe des pns quilz luy ont mis entre ses mains en signe de ce consentent quil en preigne la plus ample realle actuelle et corporelle par authorite de Justice ou autrem
t comme bon luy semblera aux pns ou absant len faisant et constituant procureur en cause propre le subrogeant en leur lieu droict place et hipoteque promettant led. s
r duclercq et lesd. du castaignet et hiriarton de tenir aud. s
r de lissalde bonne et valable la pnte vanthe cession resignation et transport envers et contre tous et pour plus grande Indempnitté et garantie ont randeu aud. s
r de lissalde led. contract de delivrance de lad. terre faict en leur faveur par la susd. de crutchette au susd. nom et pour tout ce dessus tenir et entretenir lesd. parties ont oblige effectue et hipotequé scavoir led. s
r curé ses biens rantes et revenus et lesd. du castaignet et de hiriarton leurs personnes et biens pns et feuturs quilz ont pour cest effait soubzmis a toutes cours et rigeurs de Justice a quy la cog
ce en app
dra renoncé a toutes renoncia
ons deffaict et de droit contraires et preiudiciables a ses presens et ainsy lont promis et Jure a dieu tenir et ny contrevenir ez presences de maistre saubat de la baire lieutenant de baille bertran de provenchere sergent tesmoingz a ce presans et appelles quy avecq lesd. s
rs duclercq de lissalde de crutchette se sont signes a la Cedde des presans ce que na faict ledit de hiriarton pour ne scavoir de ce f
e sommes et requis par moy ainsy signe duclercq notaire royal
Extraict vidime et collationné a este la pnte coppie sur autre coppie tiréé de son original par nous notaires royeaux de la ville et citté de bayonne soubz
nes sans y avoir rien adiousté ny deminuée ce requerant noble bertrand de labadie escuier au pouvoir duquel le tout a bayonne le cinquie
e Jour du mois de Juin mil six cens soixante quatre.
Dereboul nore Royal
Laborde nore Royal
7
e no
bre 1643 Duclercq not
eRaschapt avec quittance de 4 journées de terre a esté grand de m
e arnault duclercq pbre & curé & jean de castaignet & françois de hiriarton fabriqueurs de léglise po
r les deux aniversaires po
r 300 lt