Sud-Ouest Généalogie

Cartes postales et photos anciennes, histoire locale, généalogie, ...

Copie d'un contrat de rachat d'une parcelle de 1643 (entre Bertrand Dirrassen, Pierre Verges, Jean Larrendiche, Bernard Lafitte, Pierre Betlocq et Bertrand de Lissalde)

  • Date: 05/06/1664
  • Lieu: Bayonne (64)

[La transcription peut comporter des erreurs]


Saichent tous que ce Jourdhuy quatriesme octobre Mil six Cens quarente trois avant Midy En la parroisse de guissen Maison Noble de labadie pardevant Nous Notaires royaulx soubzsignés Et tesmoings bas Nommés, ont Esté En leurs personnes Bertrand Dirrassen sr de hergin pierre de verges Marand Jean de Larrendiche bernard de lafitte et pierre De betlocq dit de chusanne Laboureurs hans audt de guissen Lesquelz de Leurs franches et agreables vollontés L'un pour L'autre Et un chascun deux seul pour le tout rennoncant au Benefice de division dicusion Et ordre de droit que Leur a Esté Donné a Entendre par Nonsdtz Notaires ont vendeu ceddé Et transporté Comme par Ces pns vendent Ceddent et transportent a Noble Bertrand de Lissalde escuyer sr du sauldan Et dattisan hant En la parroisse d'urt pnt Et acceptant Scavoir est dix Journées deux tiers de terre Et prairie scitué ausdtz guissen Lieu appellé stegrand et piece deppandante de Ladte Maison Noble de Labadie Et par eux tenus de Margueritte de Crutchette Damoiselle vefve de feu Noble pierre de Labadie Escuyer sr Dudt Lieu Et De garrat ou tout Le Droit Non Raison Et action quilz ont et Leur Compecte Et appartient sur Icelle par le Contract passé Entre eux Et Ladte Damoiselle Le vingtiesme Jour du Mois de Juing Mil six Cens trente Neufz retenu par casteanlanu Notaire royal Confrontant de tous voultz Et Cottés a terre Deppandante de Ladte Maison Noble de Labadie Et autremt ainsy quelle est Entre ses plus amples et Legitismes Confrontaons et Ladte cession a este faite par Lesdtz dirasen de vergés Larrendiche Lafitte Et de betlocq pour le pris Et somme De Neufz cens soixante Livres quatorze solz six deniers pour Laquelle ilz la tenoient Et Cinq Livres pour Le seclaire dudt Contract Lesquelles dittes sommes ont esté Comptées et Nombréés par Ledt sr de Lissalde En pieces de vingt un sol de france Et autre bonne Monnoye et par Lesdtz vendeurs prinse et receu dont se sont Contentés Et en ont acquitté et acquitent Ledt sr de Lissalde En faveur duquel se sont desniers Et departies de Ladte terre L'en ont saisy vesteu Et Mis En Main possesion par Lattouchemt de la Cedde des pns quilz Luy ont Mis En Main En signé de cé Consentant quil En Jouisse Et face les fruitz siens Comme il faisoient avant Ces pns Et quil En prenne La réélle pocession par Justice ou autremt Comme bon Luy semblera Eux pns et ou absans Et sans les y appeller Le Constituant procureur En propre Cause promettant solidairemt Comme dit est Luy tenir bonne Ceste venthe Et cession Envers Et Contre tous a payne de tous despans domages Et Interetz ayant remis En Main audt sr de Lissalde Le Contract dachapt dessus datté pour estre subrogé En leur lieu droit place et hipoteque Comme Ilz le subrogent par ces pns Et pour Ce desus ont obligé Et hipotequé Leurs personnes Leurs biens Mubles et Immubles pns et advenir quilz ont soubzmis a toutes rigeurs de Justice a qui la Cognoissance En appartiendra ont renoncé a toutes rennonciaions Exeptions et Moiens a ce dessus preiudiciables et ainsy lont promis Et Juré tenir Ez pnces de Mes arnault du clerq pretre Et Curé Et saubaut de labayre baille dudt guissen tesmoings a ce appellés Et signés avecq Lesdtz sr de Lissalde dirassen Et de bergés Ce que Non fait Les autres pour Ne scavoir de ce faire sommés par Moy ainsy signé de Cassenave Notaire royal

Extraict vidimée Et Collaonnée a Este La pnte Coppie sur Lautre Coppie tiré de son original par Nous Notaires Royaux de la ville Et Citté de bayonne sans y avoir rien adiouste Ny diminué Ce requerant Noble bertrand de labadie escuyer au pouvoir duquel le tout A demuré a bayonne Le Cinquiesme Jour du Mois de Juin Mil six Cens soixante quatre

Dereboul nore royal
Laborde Nore Royal


4e octe 1643 casenave note royal
Raschapt de 10 journées 2/3 de terre a esté grand de bertrand dirassen, pierre de verges, Jean de larranduche, bernard de lafitte et pierre de betlocg guiche por 960 lt 14 s