Je prometz par le presant escript & signé de ma Main de ratiffier a tous Jours & heures que je seray requis le mariage quy a esté Contracté entre Monsieur Me pierre de sorhando sieur de Belay Conseiller du roy, Et naguiere lieutenant general au siege de bayonne faisant pour agne de Sorhando damoiselle sa fille, Et Arnaud de salha mon fils et en passer contract a la premiere semonce quy me sera faicte de leur part, Coe aussy dassigner Coe dors & desia Jasigne en faveur dud mariage a mon fils la somme de deux mille escus sur tous mes biens & Causes presans & advenir que ie obligé par ces presantes & que ie veux & consans quelle porte une pareille obligaon et soubzcription que sy led contract en estoit passé, declarant dabondant que Jauray pour agreable les nopces quy se doivent Celevrer a mon absance, et consans que mond. fils espouse lad agne lorsquil en sera requis, Et que led sieur de Sorhando le desirera, en foy de quoy ay escript & signé les presantes Comme dit est de ma main a hellette le quinsiesme de juin mil six cens dix & sept signe lacarry

Extraict & Collaonné a esté la pnte Coppie a son original escript & signe de la main de Noble pierre de lacarry, par nous nores royaux soubzsignés sans y avoir rien adjousté ny diminué, Et ce a la requision de noble pierre de Salha seigneur baron dud lieu, lequel apres lad. extraction faicte a retiré a soy led original & presantes, a bardos le seiziesme Jour du mois davrilh mil six cens Cinquante sept ainsi signés de mesplede nore royal, de Casenave nore Royal

Extraict et collaonne a esté la pnte coppie par nous nottaires royaux soubs signés en navarre sur autre coppie extraict par de casenave et de mesplede nores Royaux a la requisition de Messire pierre de Salha seigneur et baron dud. lieu lequel apres lad. extraction faicte la retiré a soy comme aussy le pnt extraict faict au Chasteau de Salha le septiesme mars mil six cens soissante neuf qui a cy signé avec nous

Salha
Dartigues nore Royal, Delapicque nore Royal


Ratiffication du Mariage fait entre Noble arnaud de Salha et Damoyelle agne de Sorhaindo

1617