Sud-Ouest Généalogie

Cartes postales et photos anciennes, histoire locale, généalogie, ...

Protêt (entre Jean Daymar et Jean Lestage)

  • Date: 27/06/1671
  • Lieu: Bayonne (64)

[La transcription peut comporter des erreurs]


Ce Jourdhuy Vingt septiesme du mois de Juin Mil six cens soixante onze apres midy en la ville et Citté de bayonne et dans mon estude pardevant moy nore tabellion royal soubzsigné presens les tesm. bas nommés a esté Constitué ez sa personne sieur Jean Daymar bourge. et Cittoyen de ceste ville Lequel adressant ses parolles a sieur Jean de lestage aussy bourgeois et marand Dicelle la sommé et sommé par ces presens dIncontinant et sans dellay luy payer La somme de sept cens Cinquante deux Livres sept solz tz valleur Contenué, En lettre deschange, sur Luy tiréé, sur luy Mesme payable a lordre du sieur Jean nicollas du compte Marchand doleron quil auroit passé en faveur dud. sr Daymar ainsy quil appert de la theneur suivante a deux uzances je payeray par ceste seulle deschange a lordre, Du sr Jean nicolas DuCompte marchand doleron La somme de sept cens Cinquante deux livres sept solz tz valleur receue du d. sieur a bayonne le 24e avril 1671: signé Jean de lestage, et au dos Est Escript mon ordre, est que payes pour moy a monsieur daymar bourgeois et marand de Bayonne, valleur de luy receue Bayonne ez argent Comptant Le 28e avril 1671: Je dis Le Contenu en [lautre] part signé Jean nicolas du Compte et plus bas accepté signé Jean de Lestage, offrant en cas de payement luy en Bailler acquit et luy randre lad. Lettre autrement & a faulte de ce faire a proteste Contre quy Il appra de tous despens domages et Inte. Change et reschange de lad. somme Et den prendre pareille au Change pour telle part et a tel prix quil en pourra trouver et autrement se pourvoir ainsy quil verra estre affaire De quoy ma Requis acte et de Le voulloir notiffier aud. de Lestage affin quil n'en pretende Cause digce Ce que je luy ay octroye ez presences de Joseph de lartigue et jean de bonebat Clerqz habitans dud. bayonne tesm. a ce appelles et signes a La cedde avecq led. sr daymar Et moy

Dereboul nore royal

Et peu aprés ce requerant led. sr daymar Lacte de protest Cy dessus escript a esté notiffié aud. sr de lestage y nomme pour les finx y Contenues et pour quil nen pretende Cause Dignorance parlant a Jean Massé son serviteur quy a promis Len advertir, ez pnces des susd. tesm. quy se sont signes a la cedde et moy

Dereboul nore royal

Controllé a bayonne Le 27e Juin 1671

Casaumaiou Comis


27e Juing 1671.
Protest fait au sr Lestage de la Lre de L 752: 7: par Luy tirée sur luy mesme payable a Lordre de sr Jen nicolas du Conte doloron & acceptée
35 [sols] protest & Contrerole