Sud-Ouest Généalogie

Cartes postales et photos anciennes, histoire locale, généalogie, ...

Copie d'un contrat de vente d'une parcelle de 1634 (entre Pierre de Labadie et Saubat Gelous)

  • Date: 07/06/1664
  • Lieu: Bayonne (64)

[La transcription peut comporter des erreurs]


Sachent tous presans Et advenir que auJourdhuy premier du Mois dapvril mil six cens trente quatre apres Midy en la parroisse de guissen pardt Moy Nore royal soubzsigné pns les tesm. bas Nommés a esté pnt en sa personne pierre de labadie escuyer sieur dud. lieu Et de pedegarat Et bayle dud. guissen lequel de sa franche Et agreable volonté a vendu Et allienné Et par cesd. presans vend Et allienne o pacte de rachapt perpetuel a saubat du gelous marchand habitant dud. guissen Illecq presant Et acceptant sçavoir est quatre Journades de terre riviere et pred mesure dudict guissen sçize Et sçittuée aux rivieres Et prairies de haiches avecq leurs entrées Et Issues requises Et necessaires Exemptes de fiefz ainsy que lad. terre confronte de soleil lesvant a la terre dudict sieur de labadie, de mer à terre tenue par ceux de herpil Et des deux boutz a terre dudict sieur de labadie, Et autrement ainsy que ladicte terre est entre ses plus amples limittes et Confrontations Et la susd. vente, a esté faicte par ledict vendeur en faveur dud. achapteur pour et Moyenant le pris Et somme de trois cens livres que led. de labadie a confessé avoir prins Et receu dud. achapteur avant le passement des pns comme led. de labadie a dict Et declairé devant moy d. notaire Et tesmoings en ce comprins la somme de Cent livres, dix solz, dun conthe que ledict du gelous avoit sur une Journade et demy de terre et trente sept livres dix solz sur autre demye Journade De terre par Contractz des vingtcinqui. Juin Et seizi. Juillet mil six cens trente trois rettenus par Moydict notaire desquelles quatre Journades de terre ledict sieur de labadie cest despouilhé Et Consent que ledict de gelous en Jouisse dors avant Et en face les fruictz sçiens Et a ces fins les a mis en pocession par le bailh et octroye de la cedde des presans que led. sieur de labadie a Mis entre les mains dudict du gelous en signe de pocession Et Consent quil en prenne plus ample sur les propres lieux par authoritté de Justice led. de labadie pnt ou absant Et sans luy appeller le Constituant procureur en sa mesme cause, pour requerir et prendre lad. pocession promettant led. aud. achapteur tenir bonne la presant vendition envers Et contre tous Et ce a peyne de tous despens domages et Interestz a la charge que led. du gelous a promis Et promet de rendre Et revandre lesd. quatre Journades de terre a tout temps et saisons a Jamais que requis en sera en luy payant Et rembourçant semblable et pareille somme de trois cens livres loyaux Coultz reparations Et melliorations sil en y a Et ce a mesmes peynes que dessus, Et attendu ce dessus lesd. Contractz desdictz Jour vingtcinqui. et sedzi. juillet demeurent pour nulz sinon pour lhipotecque seullement laquelle demeure en sa force, Et pour l'entretenement de tout ce dessus lesdictes parties chacune pour son regard en ont obligé Et hipotecqué leurs personnes Et biens quelles ont soubzmis a la Jurisdiction de la cour presidialle dacqx senal de bayonne Et autres sieurs et Juges a quy la cognoissance en appartiendra a renoncé a [] Et autres renonciations de droict a ce Contraires ainsy lont promis Et Juré En presence de bertrand de provanchere sergent ordinaire Et pierre de viellenave habitant dudict guissen tesm. a ce appellés et requis lesd. sieur de labadie du gelous provancher se sont signes a la cedde des presans ce que na faict ledict de viellenave tesmoing pour ne sçavoir estant de ce faire sommés par Moy ainsy signé de Casenave Notaire royal

Extraicte vidimée Et collationnée a esté la presant Coppie sur autre coppie tiré de son original par Nous Notaires royaux de la ville Et citté de bayonne soubz signés sans y avoir adJousté ny diminué le requerant Noble bertrand de labadie escuyer au pouvoir duquel le tout a demeuré a bayonne le septi. Jour du mois de Juin mil six Cens soixante quatre

Dereboul nore Royal
Laborde nore Royal


1r avril 1634 Cazenave not.
Engagement de 4 journées de terre a haches ou esté grand en faveur de saubat de gelous pour 300 lt 00
  • de LABADIE Pierre
  • écuyer, sieur de Labadie et de Pédegarat
  • ( - 1639 Guiche ? )
  • cité