Sçachent tous que CeJourdhuy second du mois de Juillet mil six Cens trente trois apresmidy En La parroisce de guissen sur Le chemin publicq Et Lieu appelle Le tauzin seul pardevant moy notaire Royal En La senechausee des Lannes soubz signe pns Les tesmoings bas nommes a Este En sa personne noble pierre de Labadiee Escuyer sieur dudit Lieu Et de garat habitant audit guissen Lequel de sa franche Et agreable volonte a vendeu Et allienne Comme par ces pns vend Et allienne a pacte de Rachapt perpetuel a gratianote detchesahar Jeanne du heguychipy mere & Et arnault duhard fis de Ladite de heguychipy gens de Laboeur habitant de La parroisce de Bardos Lesditz de heguychipy Et duhard presens Et acceptant Scavoir et une Journee Et demy de terre En pre mesure & audit guissen & Lieu appelle Estegrand quartier de haches que Confronte des deus voultz Et Cottés a terre dudit sieur de Labadiee vendeur Et autrement ainsy quest Entre ses plus amples Et Legitimes Confrontations avecq ses Entréés Et Iceues Requises Et Nessaires franche Et qitte de toutes charges excepté dung sol six deniers du fiefz que Lesditz achateurs seront tenus Comme ont promis de payer audit sieur de Labadiee anuellement Et par chacun jour de capdan Et autrement Laditte vente Et engaigement a Este faitte par Ledit sieur vendeur En faveur des ditz achateurs pour Le pris Et somme de Cen quatorze Livres tournoizes Laquelle Ledit sieur de Labadiee a Confesse avoir prins Et receu des ditz achateurs presentement devant moy dit notaire Et tesmoings En ung pair de Beufz aratoires a son gre & Concentement Renoncant a Lexception de pouvoir dire navoir Receu Les ditz beufz Et Iceux Convertis a son profit Et utillité ains sen Est contente Et En a aquitte Les ditz achateurs En faveur desquels Il sest desmis Et departy de Laditte terre & En a saisis vesteu et mis En possetion par le bailh Et tradiction de la cedde des pns qils a mis En main auditz de heguychipy duhard Consantant quils En prenant La plus emple Realle actuelle Et Corporelle Comme bon Leur semblera Luy present Et absant Et sans Luy appeller Les Constituant a ces fins proccureurs En propre Cause Et quils Jouissent dorenavant de Laditte terre Et fassent Les fruitz leurs Comme de Leurs autres biens Legitimemt acquis prometant Leur tenir bonne & valable Cestte vente ou Engaigement Et En Cas de trouble ou Empechement Len Emporter tout gariment Envers Et contre tout a peyne de tous despens domages Et intretz et par mesme moyen Lesditz achateurs seront tenus Comme Leditz de heguychipy Et duhard ont promis de Rendre Et Restituer La ditte terre audit sieur de Labadiee Et ses heritiers a tout temps saisons Et a Jamais que Requis En seront En Leur payant Et Remboursent Laditte somme de Cent quatorze Livres tournoises Loyauls coutz Reparations Et aumantations nessaires sil En y a et salaire du pnt contrat Et pour tout Ce dessus tenir Les dittes partiees chacunes pour soy ont oblige Et Ipotequé tous Et chacuns Leurs biens Meubles Et Inmubles pns Et advenir quils ont sommis a toutes Rigueurs de justice a quy La Connoissance En appartiendra ont Renoncé a toutes Renontiations exceptions Et moyens a Ce dessus prejudiciables et ainsy Lont promis Et jure Es presences de pierre de garat dit de Burgeu Et pierre detchart dit duhard Laboureur habitans audit Bardos tesmoings a ce appelles et Le dit sieur de Labadiee Et de garat tesmoings signes a La Cedde Et non Les autres pour ne Scavoir de Ce faire sommes par Moy ainsy signe Casenave nore Royal

Extraicte Vuidimée & Collaonnee a este la pnte coppie sur [autre] Coppie escripte en parchemin Par Nous Notaires Royaux de la Ville & citté de Bayonne soubznés sans y avoir rien adjousté ny diminué Ce requerant noble bertrand De labadie escuyer au pouvoir duquel le tout a demeuré a Bayonne le sixi. Juin gvic soixte quatre



2e juillet 1633 casenave not.
Engagement de une journée et demy de terre a estégrand en faveur de gratianotte detchehasar jeanne de heguychipy et arnault duhard por 114 lt