Saichent tous que Cejourdhuy quatriesme du Mois d'octobre mil six Cens quarante trois apres Midy en La parroisse de guichen et maison noble de Labadie pardevant moy notaires Royalz soubz signes et tesmoingz bas nommés a esté en sa personne gracy de LaComme femme de bertrand dumolian faisant tant pour elle que pour son mary hante aud. guichen Laquelle de sa france et agreable volonté a vendeu Ceddé et transporte a noble bertrand de Lissalde escuier sieur du Saudan et datissan hant en La Parroisse durt present et acceptant scavoir est une Journade de terre et Preirie scituéé aud. guissen Lieu appellé stegrand et piece depandante de Lad. Maison noble de Labadie ou Le droict nom raison et action quelle et sondit mary ont en Icelle par Le Contract dangaigement du vingtiesme aoust mil six Cens Trante quatre retteneu par moyd. de Casenave que de Voutz et Costés a terres de Lad. maison et autrement ainsy que lad. terre est entre ses plus amples et Legitimes Confrontations et Lad. Cession a esté faicte par Lad. de LaComme en faveur dud. sieur de Lissalde pour Le prix et somme de nonante trois livres tournoises pour Laquelle Langaigemt luy a esté fait et trante deux solz pour Le scalaire dud. Contrat Laquelle somme Led. sieur de Lissalde a Compte et nombré en pieces de vingtun sol et [autre] bonne Monnoye et par Lad. de Lacomme prinse et Receue sen est Contentéé et en ont acquitté et acquite Led. sieur de Lissalde en faveur duquel elle sest desmise et deppartie de Lad. terre L'en a saisy et vesteu et mis en possession par La tradition de La Cedde des presens quelle Luy a Mis en Main en signe de Ce Consantant quil en Jouisse et face Les fruitz siens Comme elle faisoit avant Ces Presens et quil en prenne La Realle poscession par Justice ou autrement Comme bon Luy semblera elle Presente ou absente et sans Luy appeller Le Constituant procureur en propre Cause auquel sieur de Lissalde Lad. de Lacomme a Baillé et Remis en main Les Contratz dangaigement dessus datté pour estre subrogé en son Lieu droit et hipoteque Comme elle Le subroge par Ces presens promettant Luy tenir bonne Ceste Cession envers et Contre tous a peyne de tous despens domaiges et Intretz soubz obligaon et hipoteque des personnes et biens meubles pns et advenir quil a soubzmis a toutes Rigeurs de Justice a quy a La Cognoissance en appdra a renoncé a toutes renonciaons exceptions et Moyens a Ce dessus Prejudiciables et ainsy La promis et Juré tenir ez presences de Mes arnaut duclercq pbre et Curé et sauvat de Labayre baile dud. guissen tesmoings a Ce appelles et signés a la Cedde avecq Led. sieur de Lissalde Ce que na fait Lad. de laComme pour ne scavoir de Ce fe sommés par nous, ainsy signés Duclercq Et de Casenave Notaires royaux

Extraicte vidimée & Collaonnée a este la present coppie a la coppie tirée de son original par nous Notaires Royaux soubz signés sans y avoir Rien adiouste ny diminué Ce requerant Noble bertrand de labadie sr dud. lieu & de pedegarat, au pouvoir duquel le tout est demuré à bayonne Le dernier de May 1664



4e oct. 1643 duclerc & casenave not.
Raschapt et quittance dune journée de terre a esté grand de gracy de lacoume por bertrand dumolia son mary por 93 lt