Sud-Ouest Généalogie

Cartes postales et photos anciennes, histoire locale, généalogie, ...

Copie d'une quittance de 1645 (entre Marie Dulivier et Bertrand de Lissalde)

[La transcription peut comporter des erreurs]


CeJourdhuy troizi. du mois doctobre mil six cens quarante cinq avant midy en la ville Et citté de bayonne pardevant moy nore royal soubz presans Les tesm. bas nommes a este constitué personnellement marie dulivier damoiselle vefve de feu sieur pierre tandron en son vivant bourg. Et marchand de lad. ville mere legitime et administraresse de leurs enfans communs Laquelle de son bon gré aud. nom a dict Et confessé avoir receu comptant sur le passement des pns de noble bertrand de lissalde escuier sieur datissan et du soudan absant par les mains de sieur Jean de busquet bourg. Et marchand de lad. ville Illecq pnt Et acceptant des deniers dud. sieur de lissalde comme led. sieur de busquet a declairé Et a la descharge De lhereditte de feus Nobles Jean Et pierre de la badie pere Et filz escuiers sieurs dud. Lieu Et de garat de la parroisse de Guissen la somme de sept cens livres tz pour tout principal Et autres pretentions que lad. dulivier audict nom debuoict Et avoict contre lesd. sieurs de labadie pere Et filz Et en quoy quelles puissent consister tant pour la somme de quatre cens quarante deux Livres dix solz contenue en obligation du vingthuicti. decembre mil six cens dix huict retenue par de monho notaire royal conceue par led. feu sieur Jean de labadie en faveur dud. feu sieur tendron Et de sieur pierre darcet deux cens quatre vingtz cinq Livres dix huict solz quatre deniers par deux promesses du mesme sieur Jean de labadie des vingtneufvi. Juillet mil six cent vingt sept Et cinqui. May mil six cens vingt huict cinquante livres ou environ aussy dheue par led. feu sieur Jean de labadie de reste de la cession faicte aud. feu sieur tendron par sainctiago Gommes marchand portugois residant au bourcq sainct esprit du dixi. febvrier mil six cens vingt huict retenu par de lafont nore royal Et finallement de la somme de quatre vingtz cinq livres deux solz pour marchandises delivres suivant les billetz dud. feu sieur pierre de labadie du Mois de septembre mil six cens trente sept Et a lad. dulivier receu lad. somme de sept cens Livres tz des mains dud. sieur busquet aud. nom en realles despaigne Et autre monnoye faisant lad. somme quelle a comptéé nombréé prinse Et receue a son pouvoir Et tant dicelle dicte somme que generallement du Tout ce quelle pourroict pretendre contre lesd. feus sieurs de labadie en quelque sorte que ce soict Icelle du Livier a dict Et declairé se tenir pour bien comptante payé Et satisfaicte Et en a acquitté tant lesd. sieurs de labadie que ledict sieur de lissalde promis nen demander Jamais aucune choze, consantant tant a la cancellation dudict contract dobligation que de tous autres que ce soict criant presantement rendu Et restitué aud. sieur de busquet audict nom les pieces sus mentionnés avecq un Exploit de commandem. faictz aud. feu sieur Jean de labadie Le dixneufvi. de Janvier mil six cens vingt signé de bedbeder sergent royal Et finallem. a promis lad. dulivier de tenir ceste quittance a peyne de tous despens domages Et Interestz soubz obligation de ses biens Et de sesd. enfans quelle a soubzmis a toutes rigueurs de justice premier sur ce requise ayant aussy consenty lad. dulivier que led. sieur de lissalde se fasse suvroger en Justice en son Lieu droict place Et hipotecque Et que loppon par ledict sieur tendron forméé au procés de criés des biens desd. feus sieurs de labadie au moyen du presant payement ceddé en faveur dud. sieur de lissalde sans neantmoings que pour raison de telle subrogation ny du pnt payement lad. dulivier Luy soict tenue, a aucune sorte de garantie ny restituon de deniers comme ne faisant que recevoir son payement seullement Et a quoy aussy ledict sieur de busquet pour ledict sieur de lissalde a renoncé Et renoncé par ces presans sy ont toutes parties promis, ne venir au contraire presans a ce sieurs pierre dulivier bourg. Et marchand Et sieur dominique de haramboure aussy marchand habitans dudict bayonne tesm. a ce requis Et signés a la cedde des presans avecq lad. damoiselle dulivier led. sieur de busquet & moy

Deharran N. Royal


3e oct. 1645 haran not. a bayonne
Quittance de la demlle dulivier vefve de feu m. tendron pour 700lt

lissalde
  • de LABADIE Jean
  • écuyer, sieur de Labadie et de Pédegarat
  • ( - 1637/1639 Guiche ? )
  • cité
  • de LABADIE Pierre
  • écuyer, sieur de Labadie et de Pédegarat
  • ( - 1639 Guiche ? )
  • cité