Sud-Ouest Généalogie

Cartes postales et photos anciennes, histoire locale, généalogie, ...

Copie d'un contrat d'engagement d'une parcelle de 1637 (entre Jean de Labadie et Jean Suhebiette)

  • Date: 07/06/1664
  • Lieu: Bayonne (64)

[La transcription peut comporter des erreurs]


Ceyourd'huy vingt sixie. du Mois de Janviér Mil six Cens trante sept áprés Midy, En la Compté de guissen Maion áppellée duhour pardevant Moy nore royal et en pnce Dés tesmoings bas només, ont esté pns en leurs personnes noble Jean de labadie sr dud. Lieu et de pedegarat hant dud. Guissen d'une part, Et Jean de suhebiette Laboureur hant d'e la parroisse d'e sames d'autre Entre lesquels á esté dict que par Contract rettenéu par Moyd. nore led. sr de labadie áuroict vendéu, o, pacte de rachapt perpetuel áud. de suhebiette quatre Journades de terre sçizes áudt guissen et au lieu appellé á estegrand Limittées et Comfrontées par Led. Contract d'e laditte vendion áuroict Esté faicte pour le prix et somme de troix Cens livres áinsy que resulte par Led. Contract sur cé faict et que led. de Labadie áyt desiré d'e rettirér á soy les susd. quatre Journades d'e terre et en baillér áutres quatre áud. d'e suhebiette, o, Mesme pacte de Rachapt por lad. somme de troix Cens livres, Et en oultre requis led. d'e suhebiette d'en prandre d'eux Journades oultre lesd. quatre et luy fournir La somme de Cent Cinquante livres, á quoÿ led. d'e suhebiette Cest porté et deffaict les parties se sont áccordées En la forme suivante, C'est que ledict de suhebiette á rendéu et revandéu áud. sr de Labadie les susd. quatre Journades de terre par luy ácquises par le susd. Contract pour Lad. somme de troix Cens livres, Et Consant que ledt, sr d'e, Labadie, en Jouissé doresnavant Comme de son bien propre Et Cé Moyenant que Icelluy d'e labadie á vendéu et állienné Comme par Cés pns vend et állienne, o, pacte de rachapt perpetuel áud. de suhebiette ácceptant six Journades de pred scizes et sçittuées áud. guissen et en laditte piece destegrand quy sont plus hault que les quatre cy dessus revandues, Et Joignant la piece que Jacques de layournade et Marie de haget possedent dudt sr de labadie, ávecq les entrées Et I'ssues requises et Necessaires franches et quittes de tous fiefs quy Comfrontent Lesd. six Journades de terre de tous Costes á terre dud. estegrand áppartenante áud. sr d'e Labadie et áusd. pieces que lesd. layournade Et hagedot possedent, et áutremt áinsy que lesd. terres sont entre leurs plus ámples Limittes et Comfrontations Et Ceste pnte vendion á faict led. sr labadie áud. De suhebiette pour payemt de la susd. somme d'e troix Cens livres d'hues áud. de suhebiette á raison de la susd. revandion des susd. quatre Journades de terre que por la somme de Cent Cinqte livres, lesquelles Cent cinqte livres led. de suhebiette á payé baillé et dellivré sur le passemt des pns argent Comptant áud. sr de labadie, quy ont esté Comptées et denombrées, Et par led. sr de Labadie prinses et reçeues en maniere que Ledt sr de labadie sen est Contenté, Et neantmoingz des susd. six Journades de terre led. sr de labadie sest desmis et despouillé en faveur dud. suhebiette par le bailh et traddion de la Cedde du pnt Contract ql luy á Mis éntre Mains en signe d'e bonne et vallable pocession, Consentent ql en Jouisse doresnavant Comme de sa Propre Chose bien ácquise et ql en preigne plus ámple pocession par áuthoritté de Justice luy pnt ou ábsant, le Constituant á sés fins procureur en propre Cause, Et áutremant Comme bon luy semblera, promettant led. sr d'e labadie de tenir bonne et vallable la pnte vendion áud. de suhebiette, Envers et Contre tous á payne de tous despans domaiges et Intz soy reservant led. de suhebiette lhipotecque de son premiér Contract dacquision des susd. quatre Journades d'e terre, et Moyenant cé Led. de suhebiette á promis de rendre Et revandre áud. sr de labadie les susd. six Journades de terre á tous temps saisons et á Jamais que requis En sera, En luy payant et rambourcant La susd. somme de quatre cens cinqte livres loyaux Coultz repparaons et Meilhioriations sil en y á Et pour tout Cé dessus tenir lesd. parties ont obligé et hipotecqué leurs personnes et biens qls ont soubsmis á toutes rigeurs de Justice á quy la cognoissce en appdra, Et áinsy lont promis et Juré á dieu tenir, ez presances De saubat d'e Labayre et bertrand de prouvanchere sergant ordinaire hans dud. guissen tesmoings á Cé appellés et signés avecq les parties á la Cedde des pns, Et Moy, ainsy signé de Casenave nore royal,

Et Le huictie. du Mois de may áud. an mil six Cens trante sept aprés midy Estant sur lesd. six Journades de terre sy dessus Limittées et Comfrontées, Cé requerant le susd. Jean de suhebiette par Bertrand dirassen Jurat dud. guissen La pocession realle áctuelle et Corporelle d'es susd. six Journades de terre á esté baille au susd. de suhebiette par terre fust et rameau vert que luy á esté mise Entre mains En signe d'e Bonne et vallable pocession ávecq Inhibions Et deffances á toute Maniere de gens le troublér ny empeschér en la pocession et Jouissance desd. terres á payne de mil Livres et de tous despans domaiges Et Intz, de quoy et de tout Cé dessus led. suhebiette á requis ácte á moydict nore que luy ay octroyé ez pnces de Jeanchinoy de vivensang hant dud. sames et Jean de layournade tissiér hant dud. guissen, tesmoingz á Cé áppellés et requis, lesquels se sont signés á la Cedde dés pns ávecq lesd. suhebiette dirassen et moy, áinsy signé de Casenave nore royal,

Extraicte vidimée et Collatione á esté la pnt Coppie sur [autre] Coppie tirée de son original par nous nores royaux de la ville et Citté de Bayonne soubznes sans y avoir rien ádjousté ny diminué Cé requerant noble bertrand de labadie escuyér au pouvoir duql le tout á demuré á Bayonne le septie. Juin mil six Cens soixante quatre

Dereboul nore Royal
Laborde nore Royal


26e janer et 8e may 1637 casenave de sames not.
Engagement de 6 journées terre a esté Grand en faveur de jean de suhubiette de sames por 450 lt
  • de LABADIE Jean
  • écuyer, sieur de Labadie et de Pédegarat
  • ( - 1637/1639 Guiche ? )
  • cité